بۆچی زۆرینەی ترەیدەرەکان دەترسن کاتێک هەمیشە قازانج دەکەن؟
پێناسەی ڕاستەقینەی بازرگانی:
بازرگانی فۆڕێکس یارییەک نییە کە تێیدا هەمیشە بیبەیتەوە؛ بگرە یاریی Risk Management (بەڕێوەبردنی مەترسییە). ئەو کەسەی دەیەوێت لە بازاڕدا بمێنێتەوە، دەبێت دان بەوەدا بنێت کە ڕۆژێک دێت زیان دەکات و دەبێت ئەم ڕاستییە قبووڵ بکات.
مەترسیی قازانجی بەردەوام: کاتێک چەند پۆستێکی سەرکەوتووت دەبێت، مێشکت فێری چێژی بردنەوە دەبێت و وا دەزانیت بازاڕ هەمیشە لە بەرژەوەندیی توودایە. لێرەدا قەبارەی مامەڵەکانت (Lot Size) گەورە دەکرێت، کە ئەمەش سەرەتای کارەساتی گەورەیە.
هونەری قبووڵکردنی زیانی بچووک: ترەیدەری سەرکەوتوو ئەوە نییە کە هیچ زیان نەکات، بەڵکو ئەوەیە کە دەزانێت کاتێک بازاڕ پێچەوانەی ویستی ئەو دەجووڵێت، چۆن زوو پۆستەکەی داخات و زیانەکەی سنووردار بکات پێش ئەوەی باڵانسەکەی سفر ببێتەوە.
دەروونی پاش قازانجی گەورە: دوای هەر قازانجێکی گەورە، مەترسییەکی گەورەتر لەسەر شانتە، ئەویش پاراستنی ئەو قازانجەیە نەک دووبارە خستنەوەیەکی مەترسیدارانەی لە بازاڕدا.
دەرەنجام:
ئەگەر دەتەوێت لە فۆڕێکسدا بمێنیتەوە، دەبێت فێر ببیت کە "زیانکردن" بەشێکی دانەبڕاوە لە پرۆسەکە. نهێنیی سەرکەوتن لەوەدا نییە کە چۆن هەمیشە قازانج بکەیت، بەڵکو لەوەدایە کە قازانجەکانت هەمیشە گەورەتر بن لە زیانەکانت، و کاتێک هەڵەیت، ئازای ئەوەت هەبێت قەبووڵی بکەیت.
