بۆچی دوو دراوسێ کە ناویان "دۆلار"ـە، وەک دوو وڵاتی دژبەیەک لە فۆڕێکسدا دەجووڵێن؟
کاتێک سەیری چارت و جووتە دراوی (USD/CAD) دەەکەیت، خاڵی هەرە سەرنجڕاکێش لەم جەنگی دراوەکانەدا ئەوەیە که سەرەڕای هاوبەشیی ناو و دراوسێیەتی، بەڵام وەک دوو وڵاتی دژبەیەک لە بازاڕدا ڕەفتار دەکەن.
ئایا پرسیوەتە خۆت بۆچی ناوێکی هاوبەش لە نێوانیاندا هەیە، کەچی لە مەیدانی جەنگدا دوو ئاراستەی جیاواز دەبینرێت؟
۱. ناوێک، دوو کێشی جیهانی (USD): ئەمریکا خاوەنی دراوی یەدەگی جیهانە. دۆلاری ئەمریکی واتە سەنتەری بڕیاردان و قەبارەی مامەڵەی دارایی لە سەرانسەری جیهاندا. ئابوورییەکەی فرەڕەنگە و پشتی بە هێزی تەکنەلۆجیا و سیاسەت بەستووە، بۆیە لە کاتی قەیرانەکاندا وەک پەناگەیەکی ئەمین سەیر دەکرێت.
۲. ناوێک بەڵام بەندکراوی وزە (CAD): لە بەرامبەردا، دۆلاری کەنەدی سەرەڕای ناوی دۆلار، بە تەواوی بەستراوەتەوە بە فرۆشتنی نەوت و کاڵا سەرەکییەکانەوە. کەنادا وەک کۆمپانیایەکی گەورەی وزە وایە؛ هەرچەندە دراوسێی ئەمریکایە، بەڵام بەهای دراوەکەی ڕاستەوخۆ بەستراوەتەوە بە بازاڕی کاڵاوە، نەک سەربەخۆیی سیاسیی جیهانی.
ئەم جەنگە چۆن لە فۆڕێکسدا خۆی دەردەخات؟
تەڵەی نرخی نەوت: زۆر جار تریدەر دەبینێت نرخی نەوت لە بازاڕدا بەرز دەبێتەوە، کەچی چارتەکەی USD/CAD دابەزین ناکات! هۆکارەکەی ئەوەیە که پێشتر بازاڕ نرخەکەی لەسەر هەواڵەکە هەژمار کردووە (Price In)، و بانکە گەورەکان لەو ناوچەیەدا قەبارەی مامەڵەی خۆیان کۆکردووەتەوە بۆ پێچەوانەکردنەوەی ئاراستەکە.
تەقینەوەی کاتی دانیشتنی نیویۆرک: کاتێک بازاڕی ئەمریکای باکوور دەکرێتەوە، قەبارەی مامەڵەی دۆلاری ئەمریکی دەچێتە لوتکەی خۆیەوە. لەم ساتەدا، ئەگەر داتایەکی ئابووریی بەهێز دەربچێت، هێزی دۆلار کاریگەریی ڕاستەوخۆ لەسەر دراوسێکەی دروست دەکات و جووڵەیەکی خێرا و توند لەسەر چارت دەخولقێنێت.
